logo



పవన్ పైన కోపం లేదు, బాధేసింది: రేణుదేశాయ్

...

మాజీ భర్త పవన్ కల్యాణ్ పై మరోసారి స్పందించింది రేణుదేశాయ్. ప్రస్తుతం పవన్ పై తనకు ఎలాంటి కోపం లేదని స్పష్టంచేసింది. తను రాసిన ఎన్నో కవితల నుంచి 36 కవితల్ని ఎంపిక చేసి ప్రచురించింది రేణు. ఈ సందర్భంగా మాట్లాడుతూ.. పవన్ పై తన అభిప్రాయాన్ని మరోసారి వ్యక్తంచేసింది. "మా రిలేషన్ షిప్ చెడిపోయినందుకు పవన్ పైన కోపం రాలేదు. కానీ బాధేసింది. కోపం వల్ల ఉపయోగం లేదు. చిన్నచిన్న కోపాలు ఉంటాయి. పని మనిషి పని మీద, రోడ్డుపైన కారు డ్రైవ్ చేస్తున్నప్పుడు, పిల్లలు హోం వర్క్ చేయకపోతే కోపం వస్తుంది. కానీ అది తాత్కాలికం. ఒక వ్యక్తి (పవన్) పైన కోపం ఉండొద్దు. అదంతా డెస్టినీ. అలా జరిగిపోయిందంతే." ఇలా పవన్ తో విడాకుల వ్యవహారంపై ఎంతో తాత్వికతతో స్పందించింది రేణుదేశాయ్. గతించిన పోయిన దాని గురించి బాధపడి ఉపయోగం లేదంటున్న రేణుదేశాయ్.. తను రాసిన కవితల్లో పవన్ ను చూడొద్దని అందరినీ కోరుతోంది. "నేను ఏదైనా రొమాంటిక్ కవిత రాస్తే అది పవన్ కల్యాణ్ కోసం అనుకుంటున్నారు. కాస్త బాధ కలిగే ఫీలింగ్ తో కవిత రాస్తే అది పవన్ కోసమే అనుకుంటున్నారు. ఏది రాసినా దాన్ని పవన్ కు అన్వయిస్తున్నారు. కవిత అనేది కేవలం ఒక ఫీలింగ్. ఒక వ్యక్తికి (పవన్) సంబంధించినది కాదు." కొత్త ఏడాదిలో పెళ్లి చేసుకుంటానని ప్రకటించింది రేణుదేశాయ్. కాబోయే భర్త తనతో, పిల్లలతో చాలా ప్రేమగా ఉంటున్నాడని తెలిపింది. పెళ్లితో పాటు నూతన సంవత్సరంలో ఓ సినిమా కూడా చేస్తానని ప్రకటించింది. "2019లో రైతుల సమస్యలపై ఓ సినిమా చేస్తా. స్క్రిప్ట్ పక్కాగా ఉంటే మే నెల నుంచి సెట్స్ పైకి వెళ్తా. నేనే ప్రొడ్యూస్ చేస్తా. ఇక కొత్త ఏడాదిలో పెళ్లి కూడా చేసుకుంటా." కేవలం కవితలకే పరిమితం కాకుండా తన మనసుకు నచ్చిన ప్రతి అంశంలో అడుగు పెడతానంటోంది రేణుదేశాయ్. అది టీవీ లేదా సినిమా ఏదైనా కావొచ్చని ప్రకటించింది. ఇలా పరోక్షంగా వెండితెర రీఎంట్రీపై కూడా క్లారిటీ ఇచ్చింది.